മമിത-സംഗീത് കോമ്പോയിലെ ആദ്യ ചിത്രം ; മലയാള സിനിമയിലെ യുവനിരയിലെ ശ്രദ്ധേയരായ താരങ്ങളായ മമിത ബൈജുവും സംഗീത് പ്രതാപും ആദ്യമായി പ്രധാന കഥാപാത്രങ്ങളായി ഒന്നിക്കുന്ന പുതിയ ചിത്രമാണ് ‘ഹലോ ഡിയർ’. ചിത്രത്തിന്റെ ടൈറ്റിൽ ഫസ്റ്റ് ലുക്ക് പോസ്റ്റർ അണിയറപ്രവർത്തകർ ഔദ്യോഗികമായി പുറത്തുവിട്ടു.
‘തണ്ണീർമത്തൻ ദിനങ്ങൾ’ എന്ന സൂപ്പർ ഹിറ്റ് ചിത്രത്തിന്റെ സഹരചയിതാവും നടനുമായ ഡിനോയ് പൗലോസ് ആണ് ഈ ചിത്രം സംവിധാനം ചെയ്യുന്നത്. ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ നിർമ്മിക്കുന്ന ഇരുപതാമത്തെ ചിത്രമാണിത്. റൊമാന്റിക് കോമഡി ജോണറിലാണ് ചിത്രം ഒരുങ്ങുന്നത്. മെട്രോ നഗരത്തിന്റെ പശ്ചാത്തലത്തിൽ പുതിയ തലമുറയുടെ കാഴ്ചപ്പാടുകളെ മുൻനിർത്തിയാണ് സിനിമ മുന്നോട്ട് പോകുന്നത്.
പോസ്റ്ററിൽ മമിതയും സംഗീതും തമ്മിലുള്ള രസകരമായ ഒരു നിമിഷമാണ് ഉൾക്കൊള്ളിച്ചിരിക്കുന്നത്. ഗോവിന്ദ് വസന്തയാണ് ചിത്രത്തിന് സംഗീതം ഒരുക്കുന്നത്. അഖിൽ ജോർജ് ക്യാമറയും ചമൻ ചാക്കോ എഡിറ്റിംഗും നിർവഹിക്കുന്നു. കൊച്ചിയിൽ ചിത്രീകരണം പുരോഗമിക്കുന്ന ഈ ചിത്രത്തിന്റെ വിതരണം സെൻട്രൽ പിക്ചേഴ്സ് ആണ് നിർവഹിക്കുന്നത്. പ്രശസ്ത താരമായ സുരേഷ് കൃഷ്ണയും ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്. സിനിമയുടെ പ്രഖ്യാപനം മുതൽ തന്നെ ആരാധകർക്കിടയിൽ വലിയ ഹൈപ്പാണ് ഈ കോമ്പോ സൃഷ്ടിച്ചിരിക്കുന്നത്.
ടൈറ്റിൽ ഫസ്റ്റ് ലുക്ക് പോസ്റ്റർ
https://www.instagram.com/p/DcTTRQ8Awx5/?utm_source=ig_web_copy_link&igsi=MzRlODBiNWFlZA==
LAST ARTICLE
ഓണം ആഘോഷമാക്കാൻ മാസ് ആക്ഷൻ ഫാമിലി എന്റർടെയ്നർ, രണ്ടാം ഭാഗത്തിന്റെ പ്രഖ്യാപനവും; ഖലീഫ: ദ ലെഗസി തുടരും
[…] […]