സൈജു കുറുപ്പ് ഡിറ്റക്ടീവ് കോമഡി ചിത്രം ; സൈജു കുറുപ്പ് ഡിറ്റക്ടീവ് കോമഡി ചിത്രം ; കനകരാജ്യം, വീകം തുടങ്ങിയ ശ്രദ്ധേയമായ ചിത്രങ്ങൾക്ക് ശേഷം സാഗർ തിരക്കഥയെഴുതി സംവിധാനം ചെയ്യുന്ന പുതിയ ഇൻവെസ്റ്റിഗേറ്റീവ് കോമഡി ചിത്രത്തിന്റെ പ്രഖ്യാപനം മലയാള സിനിമാലോകത്ത് ശ്രദ്ധ നേടുന്നു. തികച്ചും ഹ്യൂമറിന് പ്രാധാന്യം നൽകി ഒരുക്കുന്ന ഈ ചിത്രത്തിൽ സൈജു കുറുപ്പാണ് നായകനായി എത്തുന്നത്. ഒരു വിചിത്രമായ ഡിറ്റക്ടീവ് കഥാപാത്രമായാണ് താരം ചിത്രത്തിൽ അഭിനയിക്കുന്നത്. പ്രമുഖ സംവിധായകൻ അരുൺ ഗോപിയും ജസ്റ്റിൻ, മാത്യു എന്നിവരും ചേർന്ന് അരുൺ ഗോപി എക്സൈറ്റ്മെന്റ്, ജസ്റ്റിൻ ആന്റ് മാത്യു എന്റർടൈൻമെന്റ് എന്നീ ബാനറുകളിലാണ് ഈ പുതിയ സിനിമ നിർമ്മിക്കുന്നത്. ചിത്രത്തിന്റെ നിർമ്മാണ പങ്കാളികളായ അരുൺ ഗോപി നിർമ്മിക്കുന്ന രണ്ടാമത്തെ ചിത്രമാണിത്. ധ്യാൻ ശ്രീനിവാസൻ, സായ് കുമാർ, അൽത്താഫ് സലിം, ഹരിശ്രീ അശോകൻ, സുധീഷ്, ശങ്കർ രാമകൃഷ്ണൻ, മധുപാൽ, ഷാൻ റഹ്മാൻ തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. സുനന്ദ ഫിലിപ്പ് ജസ്റ്റിൻ, സൗമ്യ ജോൺ അരുൺ എന്നിവരാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസേഴ്സ്. കൊച്ചി ഇടപ്പള്ളി അഞ്ചുമന ക്ഷേത്രത്തിൽ നടക്കുന്ന സ്വിച്ചോൺ കർമ്മത്തോടെ ചിത്രത്തിന്റെ ഔദ്യോഗിക ചിത്രീകരണം ആരംഭിക്കും. മികച്ചൊരു കോമഡി എന്റർടൈനർ സമ്മാനിക്കാനൊരുങ്ങുന്ന ഈ ചിത്രത്തിനായി വലിയ പ്രതീക്ഷയോടെയാണ് സിനിമാപ്രേമികളും ആരാധകരും കാത്തിരിക്കുന്നത്.
https://www.facebook.com/share/p/19Tt9ho93u/
LAST ARTICLE
ഹിറ്റ് നാൽവർസംഘം വീണ്ടും, മുകേഷ്-ജഗദീഷ്-സിദ്ദിഖ്-അശോകൻ ടീമിന്റെ ‘പാതിരാ കുറുക്കൻ’ ഫസ്റ്റ് ലുക്ക്
[…] […]