മലയാളസിനിമയിലെ എക്കാലത്തെയും പ്രിയപ്പെട്ട കോമ്പോ വീണ്ടും ഒന്നിക്കുന്നു എന്ന വാര്ത്ത ആവേശത്തോടെയാണ് സിനിമാപ്രേമികൾ ഏറ്റെടുത്തിരിക്കുന്നത്. മുകേഷ്, ജഗദീഷ്, സിദ്ദിഖ്, അശോകൻ എന്നീ നാലുപ്രധാന താരങ്ങൾ വീണ്ടും ഒന്നിക്കുന്ന ‘പാതിരാ കുറുക്കൻ’ എന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി.
ജയേഷ് വേണുഗോപാൽ സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് മോഹൻലാലും മഞ്ജു വാര്യരുമാണ് സോഷ്യൽ മീഡിയയിലൂടെ റിലീസ് ചെയ്തത്. വ്യത്യസ്ത ഗെറ്റപ്പുകളിൽ ഒരു പോലീസ് വണ്ടിയിലിരിക്കുന്ന നാൽവർ സംഘത്തെയാണ് ഫസ്റ്റ് ലുക്ക് പോസ്റ്ററിൽ കാണാൻ സാധിക്കുന്നത്. ‘ഹരിഹർ നഗർ’ സിനിമകളിലെ ഒത്തൊരുമ ഓർമ്മിപ്പിക്കുന്ന രീതിയിലാണ് ഈ പുതിയ പോസ്റ്ററും പുറത്തുവന്നിരിക്കുന്നത്.
അപ്പായ് സിനിമാസിന്റെ ബാനറിൽ സിജോ ജോർജ്ജ് നിർമ്മിക്കുന്ന ഈ ചിത്രത്തിന്റെ രചന നിർവഹിച്ചിരിക്കുന്നത് സുനിൽ കർമ്മയും നിഖിൽ ജിനനും ചേർന്നാണ്. തികഞ്ഞ നർമ്മത്തിന് പ്രാധാന്യം നൽകുന്ന ഒരു കോമഡി ഡ്രാമയായാണ് ‘പാതിരാ കുറുക്കൻ’ ഒരുങ്ങുന്നത്. തികച്ചും അപ്രതീക്ഷിതമായ ഒരു പ്രതിസന്ധി ഘട്ടത്തിൽ അകപ്പെട്ടുപോകുന്ന വ്യത്യസ്ത പശ്ചാത്തലത്തിലുള്ള നാല് വ്യക്തികളുടെ അതിജീവനമാണ് ചിത്രത്തിന്റെ പ്രമേയം.
പൊന്നാനിയിലും എടപ്പാളിലുമായി ചിത്രീകരണം പൂർത്തിയാക്കിയ ഈ സിനിമയ്ക്കായി വലിയ പ്രതീക്ഷയോടെയാണ് ആരാധകർ കാത്തിരിക്കുന്നത്. ഗോപി സുന്ദറാണ് ചിത്രത്തിന് സംഗീതം ഒരുക്കുന്നത്. ഇന്ദ്രൻസ്, നിർമൽ പാലാഴി തുടങ്ങി നിരവധി താരങ്ങളും ചിത്രത്തിൽ അണിനിരക്കുന്നുണ്ട്.
പാതിരാ കുറുക്കൻ’ ഫസ്റ്റ് ലുക്ക്
https://www.instagram.com/p/DcOQiJHsPv2/?utm_source=ig_web_copy_link&stkn=MzRlODBiNWFlZA==
LAST ARTICLE
പോലീസ് വേഷത്തിൽ മോഹൻലാൽ; തരുൺ മൂർത്തി ചിത്രം ‘അതിമനോഹരം’ ഷൂട്ടിങ് പമ്പയിൽ
[…] […]