മലയാള സിനിമാപ്രേമികളിൽ ആകാംക്ഷയുണർത്തി ജയസൂര്യ നായകനാകുന്ന മായൻ ചാപ്റ്റർ 1 – ബിയോണ്ട് ദ ഷാഡോസ് ടീസർ പുറത്തിറങ്ങി. ജിതിൻ കെ. ജോസ് സംവിധാനം ചെയ്യുന്ന ചിത്രം നിഗൂഢതയും ഭീതിയും നിറഞ്ഞ പ്രമേയവുമായാണ് എത്തുന്നത്. കേരളത്തിലെ ചില പുരാതന ക്രിസ്തീയ കുടുംബങ്ങളുമായി ബന്ധപ്പെടുത്തി പറയപ്പെടുന്ന ‘കറുത്തച്ചനൂട്ട്’ എന്ന ദുരൂഹ ആചാരത്തിന് പിന്നിലെ രഹസ്യങ്ങളിലേക്കാണ് ടീസർ പ്രേക്ഷകരെ കൊണ്ടുപോകുന്നത്.
‘കറുത്തച്ചനൂട്ടിന്ന് പിന്നിലെ രഹസ്യങ്ങളിലേക്ക്’ എന്ന കൗതുകമുണർത്തുന്ന പ്രമേയമാണ് ചിത്രത്തിന്റെ പ്രധാന ആകർഷണം. നിഗൂഢമായ ആചാരങ്ങളും അതുമായി ബന്ധപ്പെട്ട സംഭവങ്ങളും ടീസറിൽ ശ്രദ്ധേയമാകുന്നു. സാധാരണ കുറ്റാന്വേഷണ കഥകളിൽ നിന്ന് വ്യത്യസ്തമായി മിസ്റ്ററിയും ത്രില്ലറും സമന്വയിപ്പിക്കുന്ന സിനിമയായിരിക്കും മായൻ എന്ന സൂചനയാണ് ടീസർ നൽകുന്നത്.
ചിത്രത്തിൽ ജെയ്സൺ വർഗീസ് എന്ന പോലീസ് ഉദ്യോഗസ്ഥനായാണ് ജയസൂര്യ എത്തുന്നത്. ദുരൂഹമായ സംഭവങ്ങളുടെ ചുരുളഴിക്കാൻ എത്തുന്ന കഥാപാത്രത്തിന്റെ അന്വേഷണമാണ് സിനിമയുടെ കഥയിൽ നിർണായകമാകുന്നത്.
‘കളങ്കാവൽ’ എന്ന ചിത്രത്തിന് ശേഷം ജിതിൻ കെ. ജോസ് സംവിധാനം ചെയ്യുന്ന ചിത്രമാണ് മായൻ ചാപ്റ്റർ 1. റാഫിയും ജിതിൻ കെ. ജോസും ചേർന്നാണ് തിരക്കഥ ഒരുക്കിയിരിക്കുന്നത്. ശ്രീഖിൽ ശ്രീനിവാസനാണ് സഹരചയിതാവ്.
ജയസൂര്യയ്ക്കൊപ്പം നൈല ഉഷ, വിജയ് ബാബു, ഐശ്വര്യ രാജ്, ജിബിൻ ഗോപിനാഥ് തുടങ്ങിയവരും ചിത്രത്തിൽ പ്രധാന വേഷങ്ങളിലെത്തുന്നു.
രാജീവ് ഗോവിന്ദനാണ് മാജിക് മൂൺ പ്രൊഡക്ഷൻസിന്റെ ബാനറിൽ ചിത്രം നിർമ്മിക്കുന്നത്.
2026 ഡിസംബർ 3ന് ചിത്രം ആഗോളതലത്തിൽ തിയേറ്ററുകളിലെത്തും. നിഗൂഢമായ പ്രമേയവും ജയസൂര്യയുടെ വ്യത്യസ്തമായ കഥാപാത്രവും ചേർന്ന് മായൻ ചാപ്റ്റർ 1 മലയാള സിനിമയിൽ ശ്രദ്ധേയമായൊരു മിസ്റ്ററി ത്രില്ലറാകുമെന്ന പ്രതീക്ഷയിലാണ് ആരാധകർ.
മായൻ ടീസർ കാണാം
https://youtu.be/hhkVtNELTFE?si=XyOpk-x3uPwj9VsA
LAST ARTICLE
[…] […]