ബാച്ച്ലർ പാർട്ടി ‘deux’ ട്രെയിലർ പുറത്തിറങ്ങിയതോടെ മലയാള സിനിമാ പ്രേക്ഷകർക്കിടയിൽ വലിയ ചർച്ചയായിരിക്കുകയാണ് അമൽ നീരദ് ചിത്രം. മാസ് ആക്ഷൻ രംഗങ്ങളും സ്റ്റൈലിഷ് മേക്കിങ്ങും വ്യത്യസ്തമായ കഥാപാത്രങ്ങളുമായി എത്തിയ ട്രെയിലർ സിനിമാപ്രേമികൾക്കിടയിൽ ശ്രദ്ധ നേടുന്നു.
ട്രെയിലറിലെ ഏറ്റവും ശ്രദ്ധേയമായ ആകർഷണങ്ങളിലൊന്നാണ് കുഞ്ചാക്കോ ബോബന്റെ വ്യത്യസ്തമായ ഗെറ്റപ്പ്. ഇതുവരെ കണ്ടിട്ടുള്ള കഥാപാത്രങ്ങളിൽ നിന്ന് ഏറെ വ്യത്യസ്തമായി സ്റ്റൈലിഷും മാസുമായ ലുക്കിലാണ് താരം പ്രത്യക്ഷപ്പെടുന്നത്. ഗൗരവമേറിയ ഭാവവും ശക്തമായ ഡയലോഗുകളും കഥാപാത്രത്തെക്കുറിച്ചുള്ള ആകാംക്ഷ വർധിപ്പിക്കുന്നു.
നസ്ലിൻ, സൗബിൻ ഷാഹിർ, ശ്രീനാഥ് ഭാസി, ടൊവിനോ തോമസ്, ഷറഫുദ്ദീൻ തുടങ്ങിയ താരങ്ങളും ട്രെയിലറിൽ ശ്രദ്ധേയമായ സാന്നിധ്യമാണ്. ഓരോ കഥാപാത്രത്തിനും വ്യത്യസ്തമായ ലുക്കും അവതരണവുമാണ് നൽകിയിരിക്കുന്നത്.
2012ൽ പുറത്തിറങ്ങിയ ബാച്ച്ലർ പാർട്ടിക്ക് ശേഷം പുതിയൊരു ലോകവുമായി അമൽ നീരദ് എത്തുകയാണ്. നസ്ലിൻ, കുഞ്ചാക്കോ ബോബൻ, സൗബിൻ ഷാഹിർ, ടൊവിനോ തോമസ്, ഷറഫുദ്ദീൻ, ശ്രീനാഥ് ഭാസി, ചന്തു സലിംകുമാർ, ഷൈൻ ടോം ചാക്കോ തുടങ്ങിയവരാണ് ചിത്രത്തിലെ പ്രധാന താരങ്ങൾ.
നാദിയ മൊയ്തു, രജിഷ വിജയൻ, ജ്യോതിർമയി, ഹൻസിക കൃഷ്ണകുമാർ, പാരിസ് ലക്ഷ്മി തുടങ്ങിയവരും ചിത്രത്തിന്റെ താരനിരയിലുണ്ട്.
തോക്കുകളും സംഘട്ടനങ്ങളും മാസ് ഡയലോഗുകളും നിറഞ്ഞ ദൃശ്യങ്ങളാണ് Bachelor Party Deux Trailer മുന്നോട്ടുവയ്ക്കുന്നത്. അമൽ നീരദിന്റെ പ്രത്യേക ദൃശ്യശൈലിയും ആക്ഷൻ അവതരണവും ട്രെയിലറിനെ കൂടുതൽ ശ്രദ്ധേയമാക്കുന്നു.
ചിത്രത്തിന്റെ ഛായാഗ്രഹണം അപ്പു പ്രഭാകർ നിർവഹിക്കുന്നു. വിവേക് ഹർഷനാണ് എഡിറ്റിംഗ്. ക്രിസ്റ്റോ സേവ്യർ സംഗീതം ഒരുക്കുന്നു. ഉണ്ണി ആർ സംഭാഷണങ്ങൾ എഴുതിയിരിക്കുന്നു.
അമൽ നീരദ് പ്രൊഡക്ഷൻസ്, അൻവർ റഷീദ് എന്റർടെയ്ൻമെന്റ്സ്, ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകളാണ് ചിത്രം നിർമ്മിക്കുന്നത്.
ബാച്ച്ലർ പാർട്ടി ‘deux’ ട്രെയിലർ കാണാം
https://youtu.be/eJMQsl2a2Ds?si=o20ZX7omQZN72QdJ
LAST ARTICLE
ജഗൻ ഷാജി കൈലാസിന്റെ രണ്ടാം ചിത്രത്തിൽ നായകനായി സുരാജ് വെഞ്ഞാറമൂട്; പുതിയ ചിത്രത്തിന് തുടക്കം
[…] […]