സിനിമയിലെയും ജീവിതത്തിലെയും റൊമാൻ്റിക് ജോഡിയായ സൂര്യയും ജ്യോതികയും തങ്ങളുടെ ഇരുപതാം വിവാഹ വാർഷികത്തിൻ്റെ സന്തോഷത്തിലാണ്. മലയാളികളുടെയും തമിഴകത്തിൻ്റേയും പ്രിയപ്പെട്ട താരദമ്പതികൾ പരസ്പര സ്നേഹത്തിന്റെയും വിശ്വാസത്തിന്റെയും വലിയ മാതൃകയാണ് സമ്മാനിക്കുന്നത്. 20 വർഷത്തെ ദാമ്പത്യം ആഘോഷമാക്കി താരങ്ങൾ എന്നത് ആരാധകരും സിനിമാലോകവും ഒരുപോലെ വലിയ സന്തോഷത്തോടെയാണ് ഏറ്റെടുത്തിരിക്കുന്നത്.
2006 സെപ്റ്റംബർ 11-നായിരുന്നു തെന്നിന്ത്യൻ സിനിമയിലെ പ്രമുഖ താരങ്ങളായ സൂര്യയുടെയും ജ്യോതികയുടെയും വിവാഹം. ‘ഉയിരിൽ തുളൈന്തേൻ’, ‘കാക്ക കാക്ക’, ‘മൊഴി’ തുടങ്ങിയ നിരവധി ചിത്രങ്ങളിൽ ഒന്നിച്ച് അഭിനയിച്ച ഇരുവരും വെള്ളിത്തിരയിലെ കെമിസ്ട്രി പോലെ തന്നെ ജീവിതത്തിലും മികച്ച കൂട്ടാളികളായി മാറി. ദിയ, ദേവ് എന്നിങ്ങനെ രണ്ട് മക്കളുള്ള ഈ കുടുംബം മുംബൈയിലേക്ക് താമസം മാറിയെങ്കിലും തമിഴ് സിനിമയുടെ പ്രിയപ്പെട്ട താരങ്ങളാണ് ഇന്നും.
സോഷ്യൽ മീഡിയയിലൂടെയും അല്ലാതെയും ഇരുവരും പരസ്പരം നൽകുന്ന പിന്തുണയും സ്നേഹവും പലപ്പോഴും ആരാധകരുടെ ശ്രദ്ധയാകർഷിക്കാറുണ്ട്. പ്രണയവും പരസ്പര ബഹുമാനവും കൈവിടാതെ പ്രതിസന്ധികളെ നേരിട്ട് ഒന്നിച്ച് നിൽക്കുന്ന ഈ മാതൃകാ ദമ്പതികൾക്ക് സിനിമാലോകത്തു നിന്നും ആരാധകരിൽ നിന്നും നിരവധി ആശംസകളാണ് ലഭിക്കുന്നത്. ദാമ്പത്യ ജീവിതത്തിന്റെ രണ്ട് പതിറ്റാണ്ടുകൾ പിന്നിടുമ്പോൾ, കൂടുതൽ കരുത്തോടെയും സ്നേഹത്തോടെയും മുന്നോട്ട് പോകുന്ന സൂര്യയ്ക്കും ജ്യോതികയ്ക്കും സിനിമാപ്രേമികളുടെയും ഒപ്പം മലയാളികളുടെയും ഹൃദയം നിറഞ്ഞ ആശംസകൾ.
20 വർഷത്തെ ദാമ്പത്യം ആഘോഷമാക്കി താരങ്ങൾ സോഷ്യൽ മീഡിയയിൽ പോസ്റ്റ് പങ്കുവെച്ചു.
https://www.instagram.com/reel/DdUFAt2yiyO/?utm_source=ig_web_copy_link&stkn=MzRlODBiNWFlZA==
LAST ARTICLE
ഇനി ഏഴുജന്മം ഇതുപോലെ തുടരേണമെന്ന വിധിയാണോ…!’ ‘ധൂമകേതു’വിലെ ഗാനം പുറത്ത്
[…] […]