രണബാലി ഒക്ടോബർ 16ന് തിയേറ്ററുകളിൽ.വിജയ് ദേവരകൊണ്ട നായകനാകുന്ന ഏറ്റവും പുതിയ പാന്-ഇന്ത്യന് ചിത്രം ‘രണബാലി’ ഒക്ടോബര് 16-ന് തിയേറ്ററുകളിലെത്തും. പ്രശസ്ത സംവിധായകന് രാഹുല് സാംകൃത്യനാണ് ചിത്രം സംവിധാനം ചെയ്യുന്നത്. മൈത്രി മൂവി മേക്കേഴ്സിന്റെ ബാനറില് നവീന് യെര്നേനിയും വൈ. രവിശങ്കറുമാണ് ബിഗ് ബജറ്റില് ഈ ചിത്രം നിര്മ്മിക്കുന്നത്. പീരിയോഡ് ആക്ഷന് ഡ്രാമയായി ഒരുങ്ങുന്ന ഈ സിനിമയില് മലയാളി താരം മാളവിക മോഹനനാണ് നായികയായി എത്തുന്നത്. കരിയറിലെ തന്നെ ഏറ്റവും വലിയ കാന്വാസിലാണ് ചിത്രം ഒരുങ്ങുന്നത്. ചിത്രത്തിന്റെ ടൈറ്റില് പോസ്റ്ററും മോഷന് പോസ്റ്ററും ഇതിനോടകം തന്നെ ആരാധകരുടെ ശ്രദ്ധ പിടിച്ചുപറ്റിയിട്ടുണ്ട്. സംഗീതത്തിന് ഏറെ പ്രാധാന്യമുള്ള ചിത്രത്തിന് ജേക്സ് ബിജോയ് ആണ് സംഗീതം ഒരുക്കുന്നത്. തെലുങ്ക്, തമിഴ്, മലയാളം, കന്നഡ, ഹിന്ദി ഭാഷകളിലായി പാന്-ഇന്ത്യന് തലത്തിലാണ് റിലീസ്. ആരാധകര് ഏറെ ആകാംക്ഷയോടെ കാത്തിരിക്കുന്ന ഈ ചിത്രത്തിന്റെ റിലീസ് തീയതി ഔദ്യോഗികമായി പ്രഖ്യാപിച്ചതോടെ സിനിമയുടെ പ്രൊമോഷന് പരിപാടികള് ഉടന് ആരംഭിക്കും. വിജയ് ദേവരകൊണ്ടയുടെ മാസ് ലുക്കും രാഹുല് സാംകൃത്യന്റെ സംവിധാന മികവും ചിത്രത്തെ മറ്റൊരു വിജയമാക്കി മാറ്റുമെന്നാണ് അണിയറപ്രവര്ത്തകരുടെ പ്രതീക്ഷ. തെന്നിന്ത്യന് സിനിമാലോകത്ത് വലിയ തരംഗം സൃഷ്ടിക്കാന് ഒരുങ്ങുന്ന ഈ സിനിമയ്ക്കായി വലിയ തയ്യാറെടുപ്പുകളാണ് നടക്കുന്നത്.
രണബാലി ഒക്ടോബർ 16ന് തിയേറ്ററുകളിൽ
https://youtu.be/x6DrZYnZFUw?si=u5WxaGRc246PQQ-T
LAST ARTICLE
കരിക്ക് ടീമിന്റെ ആദ്യചിത്രം ‘ഗുഡ് ലക്ക് ചിക്കോ’; ടൈറ്റിൽ പുറത്ത്
[…] […]