ദളപതി ആരാധകർക്ക് നിരാശ: ‘ജനനായകൻ’ പൊങ്കൽ റിലീസ് മുടങ്ങി; നിയമപോരാട്ടം തുടരുന്നു

ജനുവരി 9-ന് റിലീസ് ആകാനിരുന്ന ദളപതി വിജയ് യുടെ ‘ജനനായകൻ’ ചിത്രം ചില രാഷ്ട്രീയ ഡയലോഗുകളും രംഗങ്ങളും സംബന്ധിച്ച സെൻസർ ബോർഡിന്റെ തടസ്സങ്ങൾ കാരണം നിലവിൽ റിലീസ് നീട്ടിവെച്ചിരിക്കുകയാണ്.
സെൻസർ സർട്ടിഫിക്കറ്റ് ലഭിക്കുന്നതിലെ കാലതാമസവും കോടതി ഇടപെടലുകളും കാരണം റിലീസ് മാറ്റിവെച്ചു.
മദ്രാസ് ഹൈക്കോടതി റിലീസ് ജനുവരി 21 വരെ സ്റ്റേ ചെയ്തിരിക്കുകയാണ്. കോടതിയുടെ അന്തിമ വിധി വന്നതിന് ശേഷം മാത്രമേ പുതിയ റിലീസ് തിയതി ഔദ്യോഗികമായി പ്രഖ്യാപിക്കുകയുള്ളൂ. ഇത് വിജയ്‍യുടെ സിനിമാ ജീവിതത്തിലെ അവസാന ചിത്രമായതിനാൽ ആരാധകർ വലിയ പ്രതീക്ഷയിലാണ്.
ചിത്രത്തിന് സെൻസർ ബോർഡ് യു/എ (U/A) സർട്ടിഫിക്കറ്റ് നൽകണമെന്ന് മദ്രാസ് ഹൈക്കോടതിയുടെ ഏകാംഗ ബെഞ്ച് ഉത്തരവിട്ടിരുന്നെങ്കിലും, ഡിവിഷൻ ബെഞ്ച് അത് സ്റ്റേ ചെയ്തിരിക്കുകയാണ്. നിലവിൽ സിനിമയുടെ നിർമ്മാതാക്കളായ കെ.വി.എൻ (KVN) പ്രൊഡക്ഷൻസ് ഈ വിഷയത്തിൽ സുപ്രീം കോടതിയെ സമീപിച്ചിരിക്കുകയാണ്