തെലുങ്ക് സൂപ്പര്‍സ്റ്റാര്‍ നാനി നായകനായെത്തിയ ചിത്രമാണ് ‘ശ്യാം സിന്‍ഹ റോയി’. സായ് പല്ലവി നായികയായെത്തിയ ഈ ചിത്രത്തിന് വന്‍ സ്വീകരണമാണ് തിയേറ്ററുകളില്‍ നിന്ന് ലഭിച്ചത്. രാഹുല്‍ സംകൃത്യന്‍ സംവിധാനം ചെയ്ത ഈ ചിത്രം ക്രിസ്തുമസ് റിലീസ് ആയാണ് തിയേറ്ററുകളില്‍ പ്രദര്‍ശനത്തിന് എത്തിയത്. ഇപ്പോഴിതാ ചിത്രത്തിലെ വീഡിയോ ഗാനം പുറത്തുവിട്ടിരിക്കുകയാണ്.
‘സിരിവെന്നെല’ എന്ന ഗാനമാണ് പുറത്തുവിട്ടിരിക്കുന്നത്. സിരിവെന്നെലെ സീതാരാമ ശാസ്ത്രിയാണ് ചിത്രത്തിലെ ഗാനത്തിന്റെ വരികള്‍ എഴുതിയിരിക്കുന്നത്. ചിത്രത്തിന്റെ സംഗീത സംവിധായകന്‍ മിക്കി ജെ മെയര്‍ ആണ്. തെലുങ്ക്, കന്നഡ, തമിഴ്, മലയാളം എന്നീ ഭാഷകളിലായാണ് ചിത്രം തിയേറ്ററുകളില്‍ എത്തിയത്. ദേശീയ അവാര്‍ഡ് ജേതാവ് ക്രുതി മഹേഷും പ്രതിഭാധനനായ യാഷ് മാസ്റ്ററും ചേര്‍ന്നാണ് ചിത്രത്തിലെ ഗാനങ്ങള്‍ ചിട്ടപ്പെടുത്തിയത്.
നിഹാരിക എന്റര്‍ടെയ്ന്‍മെന്റിന്റെ ബാനറില്‍ വെങ്കട്ട് ബോയനപള്ളി നിര്‍മ്മിക്കുന്ന ചിത്രത്തില്‍ സായി പല്ലവി, കൃതി ഷെട്ടി, മഡോണ സെബാസ്റ്റ്യന്‍ എന്നിവരാണ് നായികമാര്‍. രാഹുല്‍ സംകൃത്യന്‍ ആണ് ചിത്രം സംവിധാനം ചെയ്യുന്നത്. ജങ്ക സത്യദേവ് ആണ് രചന നിര്‍വ്വഹിച്ചിരിക്കുന്നത്. രാഹുല്‍ രവീന്ദ്രന്‍, മുരളി ശര്‍മ്മ, അഭിനവ് ഗോമതം, ജിഷു സെന്‍ ഗുപ്ത, ലീല സാംസണ്‍, മനീഷ് വാദ്വ, ബരുണ്‍ ചന്ദ തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. സാനു ജോണ്‍ വര്‍ഗീസ് ഛായാഗ്രഹണം നിര്‍വ്വഹിക്കുന്നു.
60 കളില്‍ ബംഗാളിലെ ജനപ്രിയ എഴുത്തുകാരനായ ശ്യാം സിംഗ റോയിയെ നമുക്ക് ചിത്രത്തില്‍ കാണാന്‍ സാധിക്കും. സായ് പല്ലവി അവതരിപ്പിക്കുന്ന ഒരു ദേവദാസിയുമായി ഈ മനുഷ്യന്‍ പ്രണയത്തിലാണ്. ഡബിള്‍ റോളിലാണ് നാനി ചിത്രത്തില്‍ അഭിനയിക്കുന്നത്. പ്രൊഡക്ഷന്‍ ഡിസൈനര്‍- അവിനാഷ് കൊല്ല, എക്സിക്യൂട്ടീവ് പ്രൊഡ്യൂസര്‍-എസ് വെങ്കിട രത്നം, ആക്ഷന്‍-രവിവര്‍മ, കൊറിയോഗ്രഫി-ക്രുതി മഹേഷ്, യഷ്