‘ഓപ്പറേഷന്‍ ജാവ’ എന്ന ഹിറ്റ് ചിത്രത്തിനുശേഷം തരുണ്‍ മൂര്‍ത്തി സംവിധാനം ചെയ്യുന്ന പുതിയ ചിത്രമാണ്’സൗദി വെള്ളക്ക’. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ കഴിഞ്ഞ ദിവസമാണ് പുറത്തുവിട്ടത്. വന്‍ സ്വീകരണമാണ് പോസ്റ്ററിന് ലഭിച്ചിരിക്കുന്നത്. ഒരു കേസിന് ആസ്പദമായ സംഭവമാണ് ചിത്രം പറയുന്നത്. സംവിധായകന്റേത് തന്നെയാണ് ചിത്രം രചിച്ചിരിക്കുന്നത്.
ഉര്‍വ്വശി തിയറ്റേഴ്‌സിന്റെ ബാനറില്‍ സന്ദീപ് സേനന്‍ ആണ് ചിത്രം നിര്‍മ്മിക്കുന്നത്. തൊണ്ടിമുതലും ദൃക്‌സാക്ഷിയും, സത്യം പറഞ്ഞാല്‍ വിശ്വസിക്കുമോ എന്നീ ചിത്രങ്ങള്‍ക്കു ശേഷം ഉര്‍വ്വശി തിയറ്റേഴ്‌സിന്റെ ബാനറില്‍ എത്തുന്ന ഏറ്റവും പുതിയ ചിത്രം കൂടിയാണിത്. ദേവി വര്‍മ്മ, ലുക്മാന്‍ അവറാന്‍, സിദ്ധാര്‍ഥ് ശിവ, സുജിത്ത് ശങ്കര്‍, ബിനു പപ്പു, ഗോകുലന്‍, ധന്യ അനന്യ, റിയ സെയ്‌റ, ശ്രിന്ധ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ശരണ്‍ വേലായുധന്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ സഹനിര്‍മ്മാതാവ് ഹരീന്ദ്രനും എക്സിക്യൂട്ടീവ് പ്രൊഡ്യൂസര്‍ സംഗീത് സേനനുമാണ്. എഡിറ്റിംഗ് നിര്‍വഹിക്കുന്നത് നിഷാദ് യൂസഫ് ആണ്. സംഗീതം ഒരുക്കിയിരിക്കുന്നത് പാലി ഫ്രാന്‍സിസ് ആണ്. സൗണ്ട് ഡിസൈനിംഗ് വിഷ്ണു ഗോവിന്ദും ശ്രീശങ്കറും ചേര്‍ന്നാണ്.
ചീഫ് അസോസിയേറ്റ് ഡയറക്ടര്‍ ജിജോ ജോസ്, കലാസംവിധാനം സാബു വിതുര, മേക്കപ്പ് മനു മോഹന്‍, വസ്ത്രാലങ്കാരം മഞ്ജുഷ രാധാകൃഷ്ണന്‍, പ്രൊഡക്ഷന്‍ കണ്‍ട്രോളര്‍ ജിനു പി കെ, സ്റ്റില്‍സ് ഹരി തിരുമല, ഡിസൈന്‍സ് യെല്ലോ ടൂത്ത്, പിആര്‍ഒ മഞ്ജു ഗോപിനാഥ്. കൊച്ചിയുടെ വിവിധ ഭാഗങ്ങളിലും പെരുമ്പാവൂരിലുമായാണ് സൗദി വെള്ളക്കയുടെ ഷൂട്ടിംങ് നടന്നത്.