നവ്യ നായര്‍ ഒമ്പത് വര്‍ഷത്തെ ഇടവേളയ്ക്ക് ശേഷം സിനിമാലോകത്തേക്ക് ഗംഭീര തീരിച്ചുവരവു നടത്താനിരിക്കുന്ന ചിത്രമാണ് ഒരുത്തീ. വി കെ പ്രകാശ് സംവിധാനം ചെയ്യുന്ന ചിത്രത്തില്‍ നടന്‍ വിനായകന്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. വിനായകന്‍ അവതരിപ്പിക്കുന്ന കഥാപാത്രത്തെ പരിജയപ്പെടുത്തികൊണ്ടുള്ള പോസ്റ്ററാണ് ഇപ്പോള്‍ പുറത്തുവിട്ടിരിക്കുന്നത്. പോലീസ് വേഷത്തിലാണഅ വിനായകന്‍ എത്തുന്നതെന്ന സൂചനയാണ് പോസ്റ്ററിലൂടെ നല്‍കുന്നത്. എസ് ഐ ആന്റണി എന്ന കഥാപാത്രത്തെയാണ് വിനായകന്‍ അവതരിപ്പിക്കുന്നത്.
സന്തോഷ് കീഴാറ്റൂര്‍, മുകുന്ദന്‍, ജയശങ്കര്‍, മനുരാജ്, മാളവിക മേനോന്‍, കൃഷ്ണപ്രസാദ് തുടങ്ങിയവരും ചിത്രത്തില്‍ പ്രധാന വേഷത്തിലെത്തുന്നു. ബെന്‍സി പ്രൊഡക്ഷന്‍സിന്റെ ബാനറില്‍ കെ വി അബ്ദുള്‍ നാസറാണ് ചിത്രം നിര്‍മ്മിക്കുന്നത്. എസ്. സുരേഷ് ബാബുവിന്റേതാണ് തിരക്കഥയില്‍ ജിംഷി ഖാലിദ് ഛായാഗ്രഹണം നിര്‍വഹിക്കുന്നു. ആലങ്കോട് ലീലാകൃഷ്ണനും ബി കെ ഹരിനാരായണനും ചേര്‍ന്ന് എഴുതിയ വരികള്‍ക്ക് ഗോപി സുന്ദറാണ് സംഗീതം നല്‍കുന്നത്. ‘ദ ഫയര്‍ ഇന്‍ യു’ എന്ന ടാഗ് ലൈനിലാണ് ‘ഒരുത്തീ’ എത്തുന്നത്.
ഡിക്‌സണ്‍ പൊടുതാസ്- പ്രൊഡക്ഷന്‍ കണ്‍ട്രോളര്‍. ജോതിഷ് ശങ്കര്‍ -പ്രൊഡക്ഷന്‍ ഡിസൈനര്‍, രംഗനാഥ് രവി -സൗണ്ട് ഡിസൈനര്‍, മേക്കപ്പ് – രതീഷ് അമ്പാടി, വസ്ത്രാലങ്കാരം – സമീറ സനീഷ്. ത്രില്ലുകള്‍ കൈകാര്യം ചെയ്യുന്നത് ജോളി ബാസ്റ്റിനാണ്. കെ ജെ വിനയന്‍ ആണ് ചിത്രത്തിന്റെ ചീഫ് അസോസിയേറ്റ് ഡയറക്ടര്‍. സ്റ്റില്‍സ് അജി മസ്‌കറ്റും ഡിസൈന്‍ കൈകാര്യം ചെയ്യുന്നത് കോളിന്‍സ് ലിയോഫിലുമാണ്, പി.ആര്‍.ഒ – ആതിര ദില്‍ജിത്ത്.