മെഗാ സ്റ്റാര്‍ മമ്മൂട്ടി എത്തുന്ന പുതിയ ചിത്രമാണ് ‘ഭീഷ്മ പര്‍വ്വം’. ഈ ചിത്രത്തിനായി ആരാധകര്‍ ആകാംഷയോടെയാണ് കാത്തിരിക്കുന്നത്. എക്കാലത്തേയും ഹിറ്റ് ചിത്രം ബിഗ് ബി സംവിധാനം ചെയ്ത അമല്‍ നീരദാണ് ഈ ചിത്രവും ഒരുക്കുന്നത്. ബിഗ്ബിയില്‍ ബിലാല്‍ എന്ന കള്‍ട്ട് ക്ലാസിക് നായക കഥാപാത്രത്തെ നല്‍കിയ അമല്‍ നീരദ് ‘ഭീഷ്മ പര്‍വ്വ’ത്തിലും അതുപോലെ ഒരു മമ്മൂട്ടി കഥാപാത്രം നല്‍കുമെന്ന പ്രതീക്ഷയിലാണ് ആരാധകര്‍. ചിത്രത്തിന്റെ പോസ്റ്ററുകള്‍ക്കെല്ലാം മികച്ച പ്രതികരണമായിരുന്നു ലഭിച്ചത്.
ഇപ്പോഴിതാ ചിത്രത്തിലെ ആദ്യ ഗാനം പുറത്തുവിട്ടിരിക്കുകയാണ്. പറുദീസ് എന്ന തുടങ്ങഉന്ന ഗാനം ആലപിച്ചിരിക്കുന്നത് ശ്രീനാഥ് ഭാസിയാണ്. മസുഷിന്‍ ശ്യാമാണ് ഗാനം ഒരുക്കിയിരിക്കുന്നത്. ഗാനത്തിന്റെ വരികള്‍ വിനായക് ശശികുമാര്‍ ആണ് ഒരുക്കിയിരിക്കുന്നത്. പ്രഖ്യാപന സമയം മുതല്‍ ശ്രദ്ധനേടിയ ചിത്രം ഫെബ്രുവരി 24ന് റിലീസ് ചെയ്യും.
ഷൈന്‍ ടോം ചാക്കോ, ശ്രീനാഥ് ഭാസി, ഹരീഷ് പേരടി, സൗബിന്‍ ഷാഹിര്‍, ദിലീഷ് പോത്തന്‍, ഫര്‍ഹാന്‍ ഫാസില്‍, നെടുമുടി വേണു, പദ്മരാജ് രതീഷ്, ലെന, ജിനു ജോസഫ്, നദിയ മൊയ്തു, വീണ നന്ദകുമാര്‍, കെ പി എ സി ലളിത, ശ്രിന്ദ, മാലാ പാര്‍വ്വതി, അനസൂയ ഭരദ്വാജ്, എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ഗ്യാങ്സ്റ്റര്‍ ഡ്രാമ വിഭാഗത്തില്‍ പെടുന്ന ചിത്രത്തില്‍ ഭീഷ്മ വര്‍ധന്‍ എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. പിരീഡ് ഗ്യാങ്സ്റ്റര്‍ ഡ്രാമ വിഭാഗത്തിലുള്ളതെന്ന് കരുതപ്പെടുന്ന ചിത്രത്തിന്റെ ഛായാഗ്രഹണം ആനന്ദ് സി ചന്ദ്രന്‍ ആണ്. അമല്‍ നീരദിനൊപ്പം ദേവ്ദത്ത് ഷാജിയും ചേര്‍ന്നാണ് രചന നിര്‍വ്വഹിച്ചിരിക്കുന്നത്.