സോഷ്യൽ മീഡിയകളിൽ വളരെ സജീവമാണ് മലയാള സിനിമയിലെ താരങ്ങളും,അണിയറ പ്രവർത്തകരും എന്നാൽ ആ കൂട്ടത്തിൽ എന്നും തന്റെതായ അഭിപ്രായങ്ങൾക്കൊണ്ട് സോഷ്യൽ മീഡിയകളിൽ നിറഞ്ഞു നിൽക്കാറുള്ള സംവിധായകനാണ് ഹാപ്പി വെഡിങ്,ചങ്ക്സ്, ദമാക്ക തുടങ്ങിയ ചിത്രങ്ങളുടെ സംവിധായകനായ ഒമർ ലുലു.അദ്ദേഹത്തിന്റെ പോസ്റ്റുകൾ ചിലപ്പോഴൊക്കെ വിവാദങ്ങൾ ആവുകയും ട്രോളന്മാർ അത് സോഷ്യൽ മീഡിയകളിൽ ആഘോഷമാക്കുകയും ചെയ്യാറുണ്ട്. എന്നാലും ഈ കഴിഞ്ഞ ദിവസം ഒമർ ലുലു തന്റെ ഫേസ് ബുക്കിലൂടെ ഇട്ട പോസ്റ്റ്‌ ആണ് ഇപ്പോൾ സോഷ്യൽ മീഡിയകളിൽ ചർച്ച ആയി കൊണ്ടിരിക്കുന്നത്. താരത്തെ അനുകൂലിച്ചും, പ്രതികൂലിച്ചും എത്തുന്നതിനൊപ്പം ചിരി ഉണർത്തുന്ന കമെന്റുകളും ആയി ട്രോളന്മാരും കമന്റ് ബോക്സിൽ നിറയുകയാണ്.
ഒമർ ലുലുവിന്റെ വിവാദമായ പോസ്റ്റ്‌..
No Fan Fight An Open Discussion ✌️
രജനി,ചിരഞ്ജീവി,അല്ലൂ അർജ്ജുൻ,വിജയ് ഇപ്പോ ബാഹുബലിയിലൂടെ പ്രഭാസും KGFലൂടെ യാഷും നേടിയ സ്റ്റാർഡം പോലെയോ മലയാളത്തില്ലേ ഏതെങ്കിലും ഒരു നടന് ഉണ്ടോ. ഒരു പോലെ കേരളത്തിന് അകത്തും പുറത്തും ഓളം ഉണ്ടാക്കാൻ കഴിയുന്ന ഒരു സ്റ്റാർ എന്തു കൊണ്ടാണ് ഇത്ര നാളായിട്ടും മലയാള സിനിമയിൽ വരാത്തത് ?
പോസ്റ്റിനു താഴെ ട്രോളന്മാർ ഒമർ ലുലു സിനിമകളെ ട്രോളിയും, അനുകൂലിച്ചും ചർച്ചകൾ തകർക്കുമ്പോൾ പോസ്റ്റിനു താഴെ ഒമർ ലുലുവിന്റെ വാദഗതികളെ പൊളിച്ചെഴുതി പ്രേമം എന്ന സിനിമയിലൂടെ മലയാളത്തിന്റെ എക്കാലത്തെയും ബോക്സ്‌ ഓഫീസ് ഹിറ്റ്‌ സമ്മാനിച്ച സംവിധായകൻ അൽഫോൻസ് പുത്രന്റെ കമന്റ് എത്തിയത്..
ആക്ടിങ് ,ഡാൻസ് ,ഫൈറ്റ് ,ഡയലോഗ് ,സ്റ്റൈൽ ,ആറ്റിട്യൂട് ഇത് റൊമ്പ മുഖ്യമ ബിഗിലെ … ഈ പറഞ്ഞ ലിസ്റ്റിൽ ആമിർ ഖാൻ , ഷാ റൂഖ് ഖാൻ , കമൽ ഹസ്സൻ എന്താണ് ഇല്ലാത്തത് ഒമറേ ? മലയാളത്തിൽ ..മോഹൻലാൽ , മമ്മൂട്ടി , പൃഥ്വിരാജ് …എല്ലാവർക്കും ഇത് ഈസി ആയിട്ട് പറ്റും എന്നു തോന്നുന്നു . പാൻ ഇന്ത്യ സ്ക്രിപ്റ്റിൽ അവർ അഭിനയിച്ചാൽ നടക്കാവുന്നതേ ഒള്ളു എന്നു തോന്നുന്നു . ഇപ്പൊ ഓൺലൈനിൽ എല്ലാരും സിനിമ കണ്ടു തൊടങ്ങിയല്ലോ . ഒരു 100 കോടി ബഡ്ജറ്റിൽ നിർമിച്ച നല്ല സ്ക്രിപ്റ്റ് എക്സിക്യൂഷനും ഉള്ള ഫിലിം വന്നാൽ …സ്റ്റീവ്ൻ സ്പിൽബർഗ് സാർ പോലും ചെല്ലപ്പോ അടുത്ത പടം തൊട്ടു ഇവരെ കാസ്റ്റ് ചെയ്യും . അതും വൈകാതെ നടക്കാൻ സാധ്യതയുണ്ട് .
ഒമർ ലുലുവിന്റെ പോസ്റ്റിനു നൽകിയ ഈ മറുപടി മലയാള സിനിമ ആരാധകരും പൃഥ്വിരാജ്, മമ്മൂട്ടി, മോഹൻലാൽ ആരാധകരും ഏറ്റെടുത്തു സോഷ്യൽ മീഡിയയിൽ വൈറലായി നിരവധി ലൈക്കുകളും,അൽഫോൻസ് പുത്രന്റെ വാദഗതികളെ അനുകൂലിച്ചും, പ്രതികൂലിച്ചും ഉള്ള കമന്റ്സുകളും ആണ് നേടികൊണ്ടിരിക്കുന്നത്…